De Rock de Rack ass säit Joren e feste Rendez-vous fir Jonker aus dem ganze Land. Mat Workshops, Aktivitéiten a ville spannende Momenter, stoung ëmmer eppes am Mëttelpunkt: Jonk Leit stäerken an hinnen d’Méiglechkeet ginn, iwwer Gläichstellung an Diversitéit nozedenken an ze diskutéieren.
Mee d’Evenement huet sech entwéckelt – genau wéi déi jonk Generatioun, déi drun deelhëlt. Amplaz vu Concerten a Festivalfeeling stinn haut virun Allem déi interaktiv Atelieren, Reflexiounszäiten an experimentell Formater am Fokus – nach ëmmer spannend, nach ëmmer dynamesch, mee mat engem kloere Sensibiliséierungs-Schwéierpunkt.
De Rock de Rack gëtt also zum megaLab, a wéi an engem richtege Labo, kann een hei testen, probéieren, an zesumme léieren.
De Prinzip ass einfach, zu engem bestëmmten Thema ginn all Joer ëm 12 bis 17 Atelieren a Workshops vun Experten aus hierem Beräich ausgeschafft. All Klass dierf (zesumme mat hiere Begleetpersounen) hier Preferenzen uginn déi souwäit méiglech respektéiert ginn. Dräi verschiddenen Atelieren gi schlussendlech zréckbehalen déi d’Schüler deen Ament dierfen erliewen. D’Ateliere sinn iwwregens all interaktiv.
WICHTEG: De megaLab 2025 ass ab elo “complet”! Dir kënnt iech awer hei drënner op d’Reserve-Lëscht aschreiwen a falls eng Plaz fräi géif ginn, kontaktéiere mer iech mat der Propose déi ze kréien.
Bei Froen kënnt der iech weiderhi gären un d’Organisatiounsekipp wenden um 247-85826 oder 247-85813.
